If you found BAILII useful today, could you please make a contribution?

Your donation will help us maintain and extend our databases of legal information. No contribution is too small. If every visitor this month donates, it will have a significant impact on BAILII's ability to continue providing free access to the law.

Thank you very much for your support!


BAILII [Home] [Databases] [World Law] [Multidatabase Search] [Help] [Feedback]

Scottish Court of Session Decisions


You are here: BAILII >> Databases >> Scottish Court of Session Decisions >> Alexander Innes of that Ilk v M. Alexander Dumbar, Dean of Murray. [1534] Mor 7320 (6 March 1534)
URL: http://www.bailii.org/scot/cases/ScotCS/1534/Mor1807320-043.html

[New search] [View without highlighting] [Printable PDF version] [Help]


[1534] Mor 7320      

Subject_1 JURISDICTION.
Subject_2 DIVISION IV.

Jurisdiction of the Court of Session.
Subject_3 SECT. I.

To what Causes this Jurisdiction extends.

Alexander Innes of that Ilk
v.
M Alexander Dumbar, Dean of Murray.

Date: 6 March 1534
Case No. No 43.

Enumeration of various kinds of actions to which the Court of Session are competent.


Click here to view a pdf copy of this documet : PDF Copy

The Lordis of Sessioun ar Jugeis competent to ken and cognosce ex eisdem deductis, or utherwayis, upon the retractatioun and validitie of ony decreit gevin be thame at the instance of ony persoun of befoir, quhair ony uther persoun alledgis him to be hurt be ane wrangous and unjust decreit, and libellis summoundis in dew form for reductioun thairof; quhatever happin to follow upon sic ane decreit; notwithstanding that efter the geving of the samin thair happin twentie, threttie, or ma zeiris to rin, befoir the partie, aganis quhom it is gevin, raisis summoundis for reductioun thairof; because prescriptioun within fourtie zeiris at the leist hes na place in this cais.

The Lordis of Counsal, anent the reductioun and retreiting of decreitis gevin be thame at the instance of ony partie, ar equivalent, and representis the place of a competent Judge of appellation in the secund instance; the quhilk Judge of appellatioun is astrictit to procede in ony cause of appellatioun dewlie interponit to him, and to confirm or infirm the sentence that is appealit fra, efter the meritis of the cause deducit befoir him, albeit the landis of the appealler wer comprysit for the sowmes contenit in the first sentence, with infeftment, ather to spiritual or temporal persoun, following thairupon.

Gif the Lordis of Counsal wer not jugeis competent to the reductioun of all decreitis gevin befoir thame, thair sould follow ane greit inconvenient and absurditie, viz. That albeit that ony persoun were enormlie hurt be decreit of the saidis Lordis, thair wer na remeid nor reformatioun to be had thairof; because thair is na competent Judge within this realme, havand sufficient facultie of our Soverane Lord, be quhais powar and jurisdiction the said pretended decreit may be reducit, bot the saidis Lordis alanerlie; and swa ane wrangous decreit and sentence sould remane unretreitit, in greit prejudice and enorme hurt of the partie aganis quhom it was gevin, causand the persounis obtenaris thairof to with-hald wrangous gudis and geir, quhilk thay micht not have of gude zeal and conscience, nor without greit danger of sum of the Jugeis that gave the samin; because, be the law, thay ar oblist to refound to the parties, quhom thay may hurt be thair sentence, all damnage and skaith quhilk thay happin to sustene thairthrow; for in this cais litem faciunt suam.

The saidis Lordis of Counsal or Jugeis competent to the reduction of all decreitis gevin be thame, notwithstanding, be vertue thairof, his landis, aganis quhom the samen was gevin, are comprysit, and infeftment or mortificatioun thairof to the kirk followit thairupon; utherwayis it micht follow that the kirk sould bruik and joise ane wrangous possessioun, the quhilk in that cais hes na mair privilege, bot rather less than hes the temporal estait.

Balfour, No 9. p. 268.

The electronic version of the text was provided by the Scottish Council of Law Reporting     


BAILII: Copyright Policy | Disclaimers | Privacy Policy | Feedback | Donate to BAILII
URL: http://www.bailii.org/scot/cases/ScotCS/1534/Mor1807320-043.html